ಪ್ರೊ.ಕಿ.ರಂ. ನೆನಪಿನ ಕಾವ್ಯಶಿವರಾತ್ರಿ, ಪ್ರಶಸ್ತಿ ಪ್ರದಾನ ಸಮಾರಂಭ: ಅಹೋರಾತ್ರಿ ಜನಪದ ಮಹಾಕಾವ್ಯಗಳ ಗಾಯನ

ದಿನಾಂಕ ೦೪/೦೩/೨೦೧೪ರಂದು ಕನ್ನಡ ಸಾಹಿತ್ಯ ಪರಿಷತ್ತಿನ ಶ್ರೀ ಕೃಷ್ಣರಾಜ ಪರಿಷನ್ಮಂದಿರದಲ್ಲಿ ಸಂಜೆ ೬ಕ್ಕೆ ಕಾವ್ಯ ಶಿವರಾತ್ರಿಯನ್ನು ಜನಸಂಸ್ಕೃತಿ ಮತ್ತು ಕಾವ್ಯಮಂಡಲ ಆಯೋಜಿಸಿವೆ. ಈ ವೇಳೆ ಪ್ರೊ. ಕಿ.ರಂ.ನಾಗರಾಜ – ೭೫ ಸರಣಿ ಕಾರ್ಯಕ್ರಮಗಳ ಉದ್ಘಾಟನೆ, ಜನಪದ ಮಹಾಕಾವ್ಯಗಳ ಗಾಯಕರಾದ ದೊಡ್ಡ ಗವಿ ಬಸಪ್ಪ ಮತ್ತು ತಂಡದವರಿಗೆ ಕಿ.ರಂ. ಜನಪದ ಪ್ರಶಸ್ತಿ ಪ್ರದಾನ, ಕಾವ್ಯಮಂಡಲದ ಪಿಎಚ್.ಡಿ., ವಿದ್ಯಾರ್ಥಿಗಳಿಗೆ ಪಿಎಚ್.ಡಿ., ಪದವಿ ಪ್ರಮಾಣ ಪತ್ರ ಮತ್ತು ಮಾರ್ಗದರ್ಶಕರಿಗೆ ಗೌರವ ಸಮರ್ಪಣೆ ಕಾರ್ಯಕ್ರಮ ನಡೆಯಲಿದೆ.

ಅಂದು ಈ ಸಮಾರಂಭಗಳ ನಂತರ ಅಹೋರಾತ್ರಿ ಮಂಟೇಸ್ವಾಮಿ ಮತ್ತು ಮಲೆ ಮಹದೇಶ್ವರ ಮಹಾಕಾವ್ಯಗಳ ಗಾಯನವನ್ನು ದೊಡ್ಡಗವಿ ಬಸಪ್ಪ ಮತ್ತು ತಂಡದವರಿಂದ ಆಯೋಜಿಸಲಾಗಿದೆ.

ಕಾವ್ಯ ಶಿವರಾತ್ರಿ ಪ್ರಯುಕ್ತ ಮಂಟೇಸ್ವಾಮಿ, ಮಲೆ ಮಹದೇಶ್ವರ ಮಹಾಕಾವ್ಯ ಗಾಯನ

ಮತ್ತು

ಪ್ರೊ. ಕಿ.ರಂ.ನಾಗರಾಜ – ೭೫ ಸರಣಿ ಕಾರ್ಯಕ್ರಮಗಳ ಉದ್ಘಾಟನೆ

ಮತ್ತು

ಕಿ.ರಂ.ನಾಗರಾಜ ಕಾವ್ಯ ಶಿವರಾತ್ರಿ ಪುರಸ್ಕಾರ: ದೊಡ್ಡಗವಿ ಬಸಪ್ಪ ಮತ್ತು ತಂಡ

ಕಾವ್ಯ ಶಿವರಾತ್ರಿ ಪ್ರಸ್ತಾವನೆ: ಕುರುವ ಬಸವರಾಜ್, ಜಾನಪದ ತಜ್ಞ

ಉದ್ಘಾಟನೆ: ಎಲ್. ಹನುಮಂತಯ್ಯ, ರಾಜ್ಯಸಭೆ ಸದಸ್ಯ

ಮುಖ್ಯ ಅತಿಥಿಗಳು: ಕೋಟಿಗಾನಹಳ್ಳಿ ರಾಮಯ್ಯ, ಹೋರಾಟಗಾರ, ಉಷಾ ಕಟ್ಟೇಮನೆ, ಕವಯಿತ್ರಿ, ಬಿ.ಎಂ.ಹನೀಫ್, ಪತ್ರಕರ್ತ, ಕೆ.ಬಿ. ಬೆಟ್ಟೇಗೌಡ, ನಿವೃತ್ತ ಪೊಲೀಸ್ ಅಧಿಕಾರಿ, ಕೆ.ಎನ್.ಕವನ, ಸಹಾಯಕ ನಿರ್ದೇಶಕಿ, ವಾರ್ತಾ ಇಲಾಖೆ, ಪಿ. ಮಲ್ಲಿಕಾರ್ಜುನಪ್ಪ, ಖಜಾಂಚಿ, ಕಸಾಪ, ಸಂಗಮೇಶ ಉಪಾಸೆ, ಕೆಎಎಸ್ ಅಧಿಕಾರಿಗಳು ಭಾಗವಹಿಸಲಿದ್ದಾರೆ.

ಅಂದಿನ ನಿರ್ವಹಣೆಯನ್ನು ಡಾ. ಟಿ. ವೆಂಕಟೇಶಮೂರ್ತಿ, ಬೇಲೂರು ರಘುನಂದನ್, ಡಾ. ರುದ್ರೇಶ್ ಅದರಂಗಿ, ಡಾ. ರೇಣುಕಾ ಆರಾಧ್ಯ, ಡಾ. ಜಯಶಂಕರ ಹಲಗೂರು, ಗೋವಿಂದರಾಜು ಟಿ., ಪ್ರಕಾಶ್ ಮೂರ್ತಿ ಎಂ. ನೋಡಿಕೊಳ್ಳಲಿದ್ದಾರೆ.

ಕಾವ್ಯ ಶಿವರಾತ್ರಿ ಕಾರ್ಯಕ್ರಮ

ಪ್ರೊ. ಕಿ.ರಂ.ನಾಗರಾಜ ಅವರಿಗೆ ಜನಪದ ಮಹಾಕಾವ್ಯಗಳ ಮೇಲೆ ಎಲ್ಲಿಲ್ಲದ ಪ್ರೀತಿ. ಅವುಗಳಲ್ಲಿ ಅವಿತಿರುವ ಜೀವಸತ್ವ, ಅಂತಃಸತ್ವಗಳನ್ನು ಬೋಧನೆಯ ಅವಧಿಯಲ್ಲಿ ವಿದ್ಯಾರ್ಥಿಗಳಿಗೆ ಅವರು ಉಣಬಡಿಸುತ್ತಿದ್ದರು. ವಿಚಾರ ಸಂಕಿರಣಗಳಲ್ಲಿ ಕೂಡ ಜನಪದ ಮಹಾಕಾವ್ಯಗಳ ಕುರಿತು ವಿಭಿನ್ನ ಒಳನೋಟಗಳನ್ನು ಅವರು ನೀಡುತ್ತಿದ್ದರು. ಇದರ ಮುಂದುವರಿದ ಭಾಗವಾಗಿ ಕಾವ್ಯಮಂಡಲದಿಂದ ಪ್ರತಿ ಶಿವರಾತ್ರಿಯಂದು ಕಾವ್ಯ ಶಿವರಾತ್ರಿ ಹೆಸರಿನಲ್ಲಿ ಜನಪದ ಮಹಾಕಾವ್ಯಗಳನ್ನು ನೀಲಗಾರರಿಂದ ಹಾಡಿಸುವ ಸಂಪ್ರದಾಯವನ್ನು ಹುಟ್ಟುಹಾಕಿದರು.

ಬೆಂಗಳೂರಿನ ಚಾಮರಾಜಪೇಟೆಯ ಪಂಪ ಮಹಾಕವಿ ರಸ್ತೆಯಲ್ಲಿರುವ ಕನ್ನಡ ಸಾಹಿತ್ಯ ಪತಿಷತ್ತಿನ ಶ್ರೀ ಕೃಷ್ಣರಾಜ ಪರಿಷನ್ಮಂದಿರದಲ್ಲಿ ಪ್ರತಿ ಶಿವರಾತ್ರಿಯಂದು ಜನಪದ ಕಾವ್ಯಗಳನ್ನು ಮೊಳಗಿಸಿದ ಕೀರ್ತಿ ಅವರಿಗೆ ಸಲ್ಲುತ್ತದೆ. ಅವರ ಈ ಜನಪದ ಕೈಂಕರ್ಯವನ್ನು ಮುಂದುವರೆಸುವ ಸಲುವಾಗಿ ಜನಸಂಸ್ಕೃತಿ ಮತ್ತು ಕಾವ್ಯಮಂಡಲ ಸಂಸ್ಥೆಗಳು ಸರ್ಕಾರದ ವಿವಿಧ ಅಕಾಡೆಮಿಗಳ ಸಹಯೋಗದೊಂದಿಗೆ ಈ ಬಾರಿ ಇದೇ ಮಾರ್ಚ್ ೪, ೨೦೧೯ರಂದು ಸಂಜೆ ೬ ಗಂಟೆಗೆ ಕಾವ್ಯ ಶಿವರಾತ್ರಿ ಮತ್ತು ಕಿ.ರಂ.ನಾಗರಾಜ ಕಾವ್ಯ ಶಿವರಾತ್ರಿ ಪುರಸ್ಕಾರ ಹಾಗೂ ಪ್ರೊ. ಕಿ.ರಂ.ನಾಗರಾಜ – ೭೫ ಉದ್ಘಾಟನಾ ಸಮಾರಂಭಗಳನ್ನು ಆಯೋಜಿಸಿವೆ. ಈ ಬಾರಿ ದೊಡ್ಡಗವಿ ಬಸಪ್ಪ ಮತ್ತು ತಂಡಕ್ಕೆ ಕಾವ್ಯ ಶಿವರಾತ್ರಿ ಪುರಸ್ಕಾರವನ್ನು ನೀಡಲಾಗುತ್ತಿದೆ. ಜೊತೆಗೆ ಮಂಟೇಸ್ವಾಮಿ ಮಹಾಕಾವ್ಯ ಮತ್ತು ಯಲ್ಲಮ್ಮ ಮಹಾಕಾವ್ಯಗಳನ್ನು ಜನಪದ ವೃತ್ತಿ ಗಾಯಕರು ಪ್ರಸ್ತುತಪಡಿಸಲಿದ್ದಾರೆ.

ಪ್ರೊ. ಕಿ.ರಂ.ನಾಗರಾಜ – ೭೫ ಸರಣಿ ಕಾರ್ಯಕ್ರಮಗಳ ಉದ್ಘಾಟನೆ

ಕಿ.ರಂ. ಅವರು ಸಾಹಿತ್ಯವನ್ನೇ ಉಸಿರಾಡಿದಷ್ಟು ಸಾಹಿತ್ಯದೊಂದಿಗೆ ಗುರುತಿಸಿಕೊಂಡಿದ್ದರು. ಅವರಿಗೆ ಇದೀಗ ೭೫ ವರ್ಷಗಳು ಪೂರೈಸಿವೆ. ಈ ಹಿನ್ನೆಲೆಯಲ್ಲಿ ಜನಸಂಸ್ಕೃತಿ ಮತ್ತು ಕಾವ್ಯಮಂಡಲ ಹಾಗೂ ವಿವಿಧ ಅಕಾಡೆಮಿಗಳು, ಕಿ.ರಂ. ಒಡನಾಡಿಗಳೊಂದಿಗೆ ಡಿಸೆಂಬರ್ ೨೫, ೨೦೧೯ರವರೆಗೆ ಒಟ್ಟು ನಾಡಿನಾದ್ಯಂತ ಮತ್ತು ಹೊರ ರಾಜ್ಯಗಳಲ್ಲೂ ೭೫ ಕಾರ್ಯಕ್ರಮಗಳನ್ನು ನಡೆಸಲು ಯೋಜನೆ ರೂಪಿಸಲಾಗಿದೆ. ಕವಿಗೋಷ್ಠಿ, ಕಿ.ರಂ. ಬದುಕು – ಬರಹ, ಕಿ.ರಂ. ಉಪನ್ಯಾಸದ ಮಾದರಿಗಳ ಕುರಿತು ಉಪನ್ಯಾಸ ಮಾಲಿಕೆಗಳು ಹಾಗೂ ಅವರು ರಚಿಸಿರುವ ಕಾಲಜ್ಞಾನಿ ಕನಕ, ನೀಗಿಕೊಂಡ ಸಂಸ, ಮಧ್ಯಮ ವ್ಯಾಯೋಗ ನಾಟಕಗಳ ಪ್ರದರ್ಶನ, ಕಿ.ರಂ. ಕುರಿತ ಸಾಕ್ಷ್ಯಚಿತ್ರ ಒಂದನ್ನು ಸಿದ್ಧಪಡಿಸಲಾಗುತ್ತದೆ. ಕವಿತೆಗಳು ಮತ್ತು ಉಪನ್ಯಾಸಗಳನ್ನು ಆಧರಿಸಿದ ಪ್ರಬಂಧಗಳನ್ನು ಕೃತಿ ರೂಪದಲ್ಲಿ ಪ್ರಕಟಿಸಲಾಗುವುದು. ಈ ಮೂಲಕ ಕಿ.ರಂ.ನಾಗರಾಜ ಅವರ ೭೫ನೇ ವರ್ಷಾಚರಣೆಯನ್ನು ಅರ್ಥಪೂರ್ಣ ಮತ್ತು ಸಾಹಿತ್ಯ ಲೋಕದಲ್ಲಿ ದಾಖಲಾಗಿಸಲು ಯೋಜನೆ ರೂಪಿಸಲಾಗಿದೆ.

ಪ್ರೊ. ಸ.ಚಿ.ರಮೇಶ್, ಕುಲಪತಿಗಳು, ಕನ್ನಡ ವಿವಿ, ಪ್ರೊ. ಅಶೋಕ್ ಕುಮಾರ್ ರಂಜೇರೆ, ಕುಲಸಚಿವರು, ಕನ್ನಡ ವಿಶ್ವವಿದ್ಯಾಲಯ, ಪ್ರೊ. ಬಸವರಾಜ ಕಲ್ಗುಡಿ, ಶ್ರೀನಿವಾಸ ಜಿ ಕಪ್ಪಣ್ಣ, ಪ್ರೊ. ಕೆ. ಮರುಳಸಿದ್ದಪ್ಪ, ಶೂದ್ರ ಶ್ರೀನಿವಾಸ್, ಡಾ. ಆರ್.ಕೆ.ನಲ್ಲೂರು ಪ್ರಸಾದ್, ಪ್ರೊ. ಟಿ.ಗೋವಿಂದರಾಜು, ಗುಬ್ಬಿ ರೇವಣಾರಾಧ್ಯ, ಡಾ. ಬೈರಮಂಗಲ ರಾಮೇಗೌಡ, ಡಾ.ನಟರಾಜ್ ಹುಳಿಯಾರ್, ಆರ್.ಜಿ.ಹಳ್ಳಿ ನಾಗರಾಜ್, ಟಿ.ತಿಮ್ಮೇಶ್, ಡಾ.ಎಚ್.ಎಲ್.ಪುಷ್ಪ, ಮಾಯಣ್ಣ, ಡಾ.ಬಿ.ಗಂಗಾಧರ್, ಡಾ.ಕೆ.ಸಿ.ಶಿವಾರೆಡ್ಡಿ, ಡಾ.ಎಂ.ಎಸ್.ಆಶಾದೇವಿ, ಡಾ.ರಾಜಪ್ಪ ದಳವಾಯಿ, ಡಾ.ಎಚ್.ಕೆ.ಮಳಲಿಗೌಡ, ಡಾ.ಕೋ.ವೆಂ.ರಾಮಕೃಷ್ಣೇಗೌಡ, ಸಿ.ಕೆ.ರಾಮೇಗೌಡ, ಸುಬ್ಬು ಹೊಲೆಯಾರ್, ದ್ವಾರನಕುಂಟೆ ಪಾತಣ್ಣ, ಅ.ದೇವೇಗೌಡ, ವ.ಚ.ಚನ್ನೇಗೌಡ, ಎಚ್.ದಂಡಪ್ಪ, ಡಾ.ಎಸ್.ಎ.ಪಂಡಿತ್, ಡಾ.ಮಂಗಳ ಪ್ರಿಯದರ್ಶಿನಿ, ಡಾ. ಹೇಮಲತಾ ವಡ್ಡೆ, ಡಾ.ರಾಮಲಿಂಗಪ್ಪ ಟಿ. ಬೇಗೂರು, ಡಾ. ಸಿ.ಆರ್.ಗೋವಿಂದರಾಜ್, ಶ್ರೀಮತಿ ಸಹನಾ ಕೆ.ಎನ್. ಶ್ರೀಮತಿ ಚಂದನ ಕೆ.ಎನ್., ನಲ್ಲೂರು ಚಲಪತಿ, ಶಿವು ಶಿವಾಪುರ, ಎಂ.ಎಂ.ಲೋಕೇಶ್, ಎಚ್.ಕೆ.ಶ್ರೀನಿವಾಸ್, ರು.ಬಸಪ್ಪ, ಡಾ.ಸಂತೋಷ್ ಹಾನಗಲ್, ಎಂ.ಎನ್.ಶಂಕರೇಗೌಡ, ಡಾ.ಟಿ.ಯಲ್ಲಪ್ಪ, ನಾಗರಾಜ್ ಮೈಕೋ, ಗಿರಿಗೌಡ, ದೇವೇಗೌಡ, ಹರ್ಷ ಎಲ್.ಇ., ಸಿದ್ದಪ್ಪ, ಅಜಯ್ ಆದಿತ್ಯ, ಕೆಂಪಣ್ಣ, ಪರಮೇಶ್, ಆನಂದ್, ಹೊ.ನ.ನೀಲಕಂಠಗೌಡ, ಡಾ.ತುಕಾರಾಮ್, ಡಾ.ಕೂಡ್ಲೂರು ವೆಂಕಟಪ್ಪ, ಡಾ.ಅಶೋಕ್ ಕುಮಾರ್, ನಾ.ಶ್ರೀಧರ್, ಡಾ.ಕಾಂತರಾಜಪುರ ಸುರೇಶ್, ಎಂ.ಶಿವಶಂಕರ್, ಸಿಸಿರ, ಶ್ರ.ದೇ.ಪಾರ್ಶ್ವನಾಥ್, ನೂತನ್ ದೋಶೆಟ್ಟಿ, ಡಾ.ಚಿಕ್ಕಪುಟ್ಟೇಗೌಡ, ಗಂಗಯ್ಯ, ನಾಗಭೂಷಣ್ ಜಾಲಮಂಗಲ, ಜೀವನ್ಮುಖಿ ಸುರೇಶ್, ಲಕ್ಷ್ಮಿ ಶ್ರೀನಿವಾಸ್, ಚಕ್ರವರ್ತಿ ಚಂದ್ರಚೂಡ್, ಆರ್.ಹಂಸ, ಡಾ.ಲಕ್ಷ್ಮಿ ಜಿ ಪ್ರಸಾದ್, ಮಹೇಶ್ ಊಗಿನಹಳ್ಳಿ, ಡಾ.ಶೀಲಾ ಮಳೀಮಠ, ಪ್ರೊ.ಚಂದ್ರಿಕಾ ಪುರಾಣಿಕ್, ಹೇಮಲತಾ ಮೂರ್ತಿ, ಪ್ರದೀಪ್ ಮಹಿಷಿ, ಡಾ.ಚಿನ್ನೇನಹಳ್ಳಿ ರಮೇಶ್ ಬಾಬು, ಕೆ.ಆರ್.ಸೌಮ್ಯ, ಮಲ್ಲಿಕಾರ್ಜುನಸ್ವಾಮಿ ಮಹಾಮನೆ, ಹುಲಿಕುಂಟೆ ಮೂರ್ತಿ, ಪ್ರೊ.ಎಸ್.ಬೈರೇಗೌಡ, ಮಹೇಶ್ ವಿದ್ಯಾಶಂಕರ್, ಎಚ್.ವಿ.ವಿಷಕಂಠೇಗೌಡ, ಪ್ರೊ. ಪದ್ಮ ಟಿ ಚಿನ್ಮಯಿ, ಸಿಟಿಒ ಶ್ರೀನಿವಾಸ್, ಅವಿರತ ಹರೀಶ್, ಹಸಿರುಕವಿ ವೈ.ಕೆ.ರಾಮರಾಜ್, ಪದ್ಮ ಶಿವಮೊಗ್ಗ, ಮುನಿರಾಜ್ ಅರಕೆರೆ, ಪ್ರೊ.ಆರ್.ವಸಂತಕುಮಾರ್, ಡಾ.ರಾಧಿಕಾ ರಂಜಿನಿ, ಡಾ.ಲಕ್ಷೀಕಾಂತ್ ಎಸ್.ಬಿ., ಡಾ.ವಿ.ಪುಟ್ಟರಾಜು, ಮೋಹನ್ ರೆಡ್ಡಿ ಸಿ.ಎನ್., ಕೆ.ಈಶ್ವರಪ್ಪ, ಸದಾಶಿವಪ್ಪ ಮರಬಗಟ್ಟ, ಕುಮಾರ್ ಇಂದ್ರಬೆಟ್ಟ, ಕರಿಯಣ್ಣ ನಿಷಾಧ, ಡಾ.ಎಚ್.ಡಿ.ಮಂಜುನಾಥ್, ಸಿ.ಕೆ.ಲೋಕೇಶ್, ಶ್ರೀಕಂಠಪ್ಪ, ಎಚ್.ಗುರುಲಿಂಗಪ್ಪ, ಲಿಂಗದಳ್ಳಿ ಚೇತನ್‌ಕುಮಾರ್, ವಿನಿಶಾರಿಣಿ ರೋಡಿಗೆಸ್, ಜಿ.ವಿ.ಧನಂಜಯ, ಮುದ್ದು ತೀರ್ಥಹಳ್ಳಿ, ಸೂರ್ಯ ಮುಕುಂದರಾಜ್, ರಮೇಶ್ ಹಿರೇಜಂಬೂರು, ಹನುಮಂತ ಹಾಲಗೇರಿ, ಪ್ರೊ.ನಾಗೇಶ್ ವಿ ಬೆಟ್ಟಕೋಟೆ, ಡಾ. ನರಸಿಂಹಮೂರ್ತಿ ಹಳೇಹಟ್ಟಿ, ಮತ್ತು ವಿವೇಕಾನಂದ ಗೆಳೆಯರ ಬಳಗ, ಗಿರಿನಗರ, ಬೆಂಗಳೂರು, ದಿವ್ಯಾಂಶಿ ಟ್ರಸ್ಟ್, ಬೆಂಗಳೂರು, ಅಖಿಲ ಕರ್ನಾಟಕ ಕುವೆಂಪು ಸಾಂಸ್ಕೃತಿಕ ವೇದಿಕೆ, ಬೆಂಗಳೂರು, ಸದ್ಭಾವನಾ ಪ್ರತಿಷ್ಠಾನ, ಬೆಂಗಳೂರು, ಪ್ರಜ್ಞಾ ಸಾಂಸ್ಕೃತಿಕ ವೇದಿಕೆ, ಬೆಂಗಳೂರು, ಕನ್ನಡ ಸಂಘ, ಸರ್ಕಾರಿ ಕಲಾ ಕಾಲೇಜು, ಬೆಂಗಳೂರು ಇವರುಗಳು ಕಾರ್ಯಕ್ರಮದಲ್ಲಿ ಭಾಗವಹಿಸಲಿದ್ದಾರೆ.

ರಾಧಮ್ಮ ತಿಮ್ಮಶೆಟ್ಟಿ ನೆನಪಿನಲ್ಲಿ ಪ್ರೊ. ಪದ್ಮ ಟಿ ಚಿನ್ಮಯಿ ಅವರಿಂದ ದಾಸೋಹ ವ್ಯವಸ್ಥೆ ಮಾಡಲಾಗಿದ್ದು, ಸಭೆಯ ಕಾರ್ಯಕ್ರಮಗಳ ನಂತರ ದಾಸೋಹ ವಿನಿಯೋಗ ನಡೆಯಲಿದೆ.

0

Leave a Reply

Your email address will not be published. Required fields are marked *