ಐಪಿಎಲ್ ವೇಳೆಯಲ್ಲಿ ಪೂಜಾರ ಎಲ್ಲಿರ್ತಾರೆ ಗೊತ್ತಾ..?

ಟೆಸ್ಟ್ ಸ್ಪೆಷಲಿಸ್ಟ್ ಅಂತಾನೆ ಪ್ರಖ್ಯಾತಿಯಾಗಿರೋ ಚೇತೇಶ್ವರ್ ಐಪಿಎಲ್ ಟೈಮ್​ನಲ್ಲಿ ಏನ್ಮಾಡ್ತಾರೆ ಎಂಬ ಕುತೂಹಲಕ್ಕೆ ತೆರೆಬಿದ್ದಿದೆ. ಇದೀಗ, ಪೂಜಾರಾ ಐಪಿಎಲ್​ ಟೈಮ್​ನಲ್ಲಿ ಏನ್ಮಾಡ್ತಾರೆ ಎಂಬುದಕ್ಕೆ ಉತ್ತರ ಸಿಕ್ಕಿದೆ. ಆತ ಟೀಮ್​​ ಇಂಡಿಯಾದ ಸ್ಟಾರ್​ ಟೆಸ್ಟ್​​ ಸ್ಪೆಷಲಿಸ್ಟ್​​.. ದ್ರಾವಿಡ್​ ನಂತರ ಮೂರನೇ ಸ್ಥಾನಕ್ಕೆ ಬಲ ತುಂಬಿದ ಪ್ಲೇಯರ್​​.. ಪಂದ್ಯದ ಸ್ಥಿತಿಗೆ ಅನುಗುಣವಾಗಿ ಬ್ಯಾಟ್​ ಮಾಡುವುದನ್ನು ಕರಗತ ಮಾಡಿಕೊಂಡ ಬ್ಯಾಟ್ಸ್​​​ಮನ್​​.. ಯಾರೇ ಎದುರಾಳಿ ಇದ್ದರೂ, ರನ್​ ಹೊಳೆ ಹರಿಸುವ ಮಧ್ಯಮ ಕ್ರಮಾಂಕದ ಭರವಸೆಯ ಆಟಗಾರ.. ಪ್ರಸಕ್ತ ವರ್ಷ ನಡೆದ ಟೆಸ್ಟ್​​​ನಲ್ಲಿ ರನ್​ ಚಿತ್ತಾರ ಬಿಡಿಸಿರುವ ಮೋಡಿಗಾರ.

ಆದ್ರೀಗ ದಕ್ಷಿಣ ಆಫ್ರಿಕಾ ಸರಣಿ ಬಳಿಕ ಪೂಜಾರ ಏನ್ಮಾಡ್ತಾರೆ ಎಂಬ ಕುತೂಹಲಕ್ಕೆ ತೆರೆ ಬಿದ್ದಿದೆ. ಏಪ್ರಿಲ್​ನಲ್ಲಿ ಭಾರತದಲ್ಲಿ ಐಪಿಎಲ್ ನಡೆದ್ರೆ, ಪೂಜಾರಾ ಮಾತ್ರ ಐಪಿಎಲ್​ನಿಂದ ದೂರವಿರಲಿದ್ದಾರೆ. ಯಾಕಂದ್ರೆ, ಪೂಜಾರ ಕಳೆದೆರೆಡು ವರ್ಷಗಳಿಂದ ಐಪಿಎಲ್​ನಲ್ಲಿ ಆಡ್ತಿಲ್ಲ.ಟೆಸ್ಟ್ ಕ್ರಿಕೆಟರ್​ ಆಗಿರೋ ಪೂಜಾರ, ಐಪಿಎಲ್ ಸಮಯದಲ್ಲಿ ಇಂಗ್ಲೆಂಡ್​ನಲ್ಲಿ ಕೌಂಟಿ ಕ್ರಿಕೆಟ್​ ಆಡೋಕೆ ತೆರಳಿದ್ದಾರಂತೆ. ಕಳೆದ ಬಾರಿಯೂ ಪೂಜಾರ ಕೌಂಟಿ ಕ್ರಿಕೆಟ್ ಆಡಿದ್ದು, ನಾಟಿಂಗ್​​ಹ್ಯಾಮ್​​ಶೈರ್ ಪರ ಬ್ಯಾಟ್​ ಬೀಸಿದ್ರು.

ಆದ್ರೀಗ ಮತ್ತೆ ಕೌಂಟಿ ಕ್ರಿಕೆಟ್​ನಲ್ಲಿ ಪೂಜಾರ ಆಡೋಕೆ ತಯಾರಿ ನಡೆಸಿದ್ದಾರೆ. ಈ ಬಾರಿಯೂ ಹೊಸ ತಂಡದೊಂದಿಗೆ ಪೂಜಾರಾ ಕಣಕ್ಕಿಳಿಯಲು ನಿರ್ಧರಿಸಿದ್ದು, ಯಾರ್ಕ್ ಶೈರ್ ಪರ ಆಡೋಕೆ ಕಾತುರರಾಗಿದ್ದಾರೆ. ಈ ಹಿಂದೆ ಪೂಜಾರ ಜೊತೆ ಆರ್.ಅಶ್ವಿನ್ ಕೂಡ ಕೌಂಟಿ ಕ್ರಿಕೆಟ್​ನಲ್ಲಿ ಪಾಲ್ಗೋಂಡಿದ್ರು. ಒಟ್ನಲ್ಲಿ ಪೂಜಾರ ಕೌಂಟಿ ಕ್ರಿಕೆಟ್​ನಲ್ಲೂ ತಮ್ಮ ಸಾಮರ್ಥ್ಯವನ್ನ ಪ್ರೂವ್ ಮಾಡಲಿ ಅನ್ನೋದೆ ಅಭೀಮಾನಿಗಳ ಆಶಯ….
ಸ್ಪೋರ್ಟ್ಸ್ ಬ್ಯೂರೋ ಸುದ್ದಿಟಿವಿ

0

Leave a Reply

Your email address will not be published. Required fields are marked *